初次來到新加坡已經愛上呢個地方！除環境舒適之外，最緊要是有好多好多素食！完全顛覆了我最初諗法（開頭以為無乜嘢食），位於MRT Mattar站（Downtown Line）附近嘅熟食市場，竟然發覺有大約10檔素食檔，你話，素食者嚟到是不是天堂？

今次試新加坡粉絲推薦的Victor Veggie素沙爹串燒，由老闆親手用燒烤爐烤熱，加上粒粒花生且香濃惹味嘅沙爹醬，難怪女朋友食完一口話：「唔啱你食架，我幫你食曬佢」經過烤爐烤制，有陣陣烤香味，配埋帶微甜嘅醬汁，一試難忘！

另外，再試埋識講廣東話的老闆娘親自包製的烏打！咬落陣陣新鮮香料如辣椒、香茅等等的香辣味；都很不錯！

來到呢度一定要食呢間沙爹串燒。價錢方面，沙爹串共10串為12SGD(約HK$72)；烤魚2.2SGD(約HK$13.2)。

營業時間：
星期一至星期日：下午二時半至晚上十時半
地址：79A Circuit Rd, Singapore 371079

作者：素食達人陳浩然 Elvis Chan

出生至今吃素34年；《素做幸福滋味》系列 作者；電視節目主持：香港開電視《追素解決師》、VIU TV及TVB等節目客席主持。法國甜品廚師/ 素食廚師/創業家/ Influencer/ 亞洲素食展素食大使