到泰國，第一時間Google搜尋素食餐廳，彈出結果之中就被這間So Vegan吸引。因為有素食版泰式船麵！！女朋友晞喬好想好想食到其中一個菜式！更因為呢間餐廳原來就我酒店樓下於是即刻去食！

除餐牌上菜色，仲有「泰式幾餸飯」55泰銖（約港幣$13)有一個餸，就算三餸都75泰銖（約港幣$17）好平！不過我今次就揀「Mushroom Noodles （泰式船麵）」。船麵有陣陣藥材香味，加上入味的豆腐乾和通菜粒！簡直想立即encore多一碗，純素烤豬頸肉的醬汁非常惹味，口感外脆內軟！值得一試。

純素蟹肉餅（植物肉）。

純素烤豬頸肉（大豆類製品）、純素泰式雲吞麵等等！

下次再去泰國一定一定要再去食！「So Vegan」分店有多家，去到曼谷記得搜「So Vegan」就搵到啦！
 

作家：Elvis Chan 陳浩然

素食達人Elvis，出生至今吃素35年；3部食譜作者；電視節目主持：香港開電視《追素解決師》、VIU TV及TVB等節目客席主持。法國甜品廚師、素食廚師、創業家、Influencer、2023-2025亞洲素食展素食大使及2025全新著作《滋味由素開始》。